კურტუა:„ჩემპიონთა ლიგა არასდროს მომიგია და ამაზე ვოცნებობ“
ტიბო კურტუამ „ჩელსისთან“ დაპირისპირებაზე „რეალის“ ოფიციალურ ვებ-გვერდს ინტერვიუ მისცა...
„მოგზაურობა გრძელდება. ჩემთვის ჩემპიონთა ლიგის მოგება ჯერ კიდევ აუხდენელი ოცნებაა და ამისთვის ბრძოლა მსურს. კარიერის დასრულებამდე დიდი დროა დარჩენილი, მინდა რომ ევროსარბიელზე წარმატებას მივაღწიო.“
„იმედი მაქვს, ეს იქნება ბედნიერი დაბრუნება სტადიონზე, რომელსაც შესანიშნავად ვიცნობ. ოვაციებს არ ვითხოვ, მაგრამ მჯერა, რომ ლონდონში ქომაგები პატივისცემიტ დამხვდებიან, მე „ჩელსისთვის“ ბევრი რამ გავაკეთე, თუმცა ყველაფრისთვის მზად ვარ.“
„როდესაც საწვრთნელ ბაზაზე მივდივარ და ვხედავ, რომ „რეალის“ გერბის ქვეშ ვთამაშობ, თავი სიზმარში მგონია, ხანდახან მართლაც ვფიქრობ, რომ ეს დაუჯერებელი რამ არის.“
„სამეფო კლუბში ასპარეზობის დროს, ყოველთვის გაქვს შანსი, რომ მწვერვალები დაიპყრო. მე აქ სწორედ ამისთვის მოვედი.“
„შარშან დასანანი მარცხი განვიცადეთ, მაგრამ წელს შესანიშნავი შანსი გვაქვს იმისა, რომ სიტუაცია შევცვალოთ. ყველაფერს ვიღონებთ ფინალში გასასვლელად.“
- 4 აპრილი 2022
- 1 330
- 15
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
