ესპანური და ფრანგული გამოცემების ცნობით, „პსჟ“-ს ხელმძღვანელობამ სერხიო რამოსთან და მის წარმომადგენლობასთან საგანგებო შეხვედრა გამართა...

საკითხი ფეხბურთელის კონტრაქტის უწყვეტობა იყო, მაგრამ როგორც სჩანს, რამოსის მეორე სეზონში დარჩენის პერსპექტივა არც ფეხბურთელს ხიბლავს და არც კლუბის ხელმძღვანელობას, რომელიც ლეგენდარულ უკანახაზელს ძალიან დიდ ხელფასს უხდის.

სერხიო მიმდინარე სეზონში მოედანზე მხოლოდ 5-ჯერ გამოჩნდა, ის მუდმივად ლაზარეთშია და აღდგენითი პროცესის სრულად ჩატარებას ვერ ახერხებს.

რამოსს არ უთამაშია ჩემპიონთა ლიგაზე, არადა მისი მიზანი ამ სეზონში პარიზულ გრანდთან ერთად სწორედ ევროსარბიელზე წარმატების მიღწევა იყო.

ვრცელდება ინფორმაცია, რომლის მიხედვითაც, სერხიო კლუბს იცვლის და ამ შეხვედრაზე მხარეებმა სწორედ აღნიშნული პოზიცია შეაჯერეს.

ლეგენდარულ კაპიტანს ლა ლიგაში დაბრუნდებას უწინასწარმეტყველებენ, მისი მომავალი კლუბი დიდი ალბათობით „სევილია“ იქნება. რაც შეეხება „რეალს“, ამ საკითხზე მადრიდული გრანდისგან არანაირი აქტივობა არ სჩანს.