„ბილდ“-ის რეპორტიორი და საფეხბურთო ანალიტიკოსი, სებასტიან კოლსბერგერი ერლინგ ჰოლანდის საკითხზე აქტიურად მუშაობს...

„ფეხბურთელს გერმანიის ბუნდესლიგიდან წასვლა მტკიცედ აქვს გადაწყვეტილი, მან იცის, რომ წინ საოცარი ეპოქა ელის და საუკეთესო გადაწყვეტილების მიღება სურს.“

„ჩემი აზრით, მთავარი ბრძოლა მადრიდულ გრანდსა და მანჩესტერ „სიტის“ შორის უნდა შედგეს. ფავორიტებზე საუბარი მიჭირს, თავად ფეხბურთელს „ბლანკოსში“ გადასვლა და კრიშტიანო რონალდუს სტილის ეპოქის შექმნა სურს, მაგრამ „ბლანკოსი“ არ არის მზად ის ხელფასი შესთავაზოს ფორვარდს, რომელსაც „სიტის“ ხელმძღვანელობა სთავაზობს.“

„აპრილის ბოლომდე ნორვეგიელის ახალი კლუბის შესახებ აუცილებლად გავიგებთ. დღესდღეობით მცირე უპირატესობა „სიტის“ აქვს, მაგრამ „რეალის“ საბოლოო გადაწყვეტილებებზე ბევრი რამ იქნება დამოკიდებული.“