ფრანგული და ესპანური გამოცემების ცნობით, კარიმ ბენზემას კონკრეტული შეთავაზება უკვე აქვს და უდიდესი ალბათობით, დათანხმდება კიდეც...

„ლიონი“ მზად არის, საკუთარი აღზრდილი ფეხბურთელი დაიბრუნოს და მინიმუმ 1 წლიანი კონტრაქტი შესთავაზოს.

მოქმედი ხელშეკრულების მიხედვით, კარიმი „მერენგების“ სადარაჯოზე 2023 წლის 30 ივნისამდე უნდა დარჩეს, თუმცა ვრცელდება ინფორმაცია, რომლის მიხედვითაც, პერესი მას კიდევ 1 წლით გახანგრძლივებას შესთავაზებს.

„ლიონის“ წინადადება ძალაში იქნება, როგორც 2023 წლის ზაფხულში, ასევე 2024 წელს.

ასევე ვრცელდება ინფორმაცია, რომლის მიხედვითაც, ბენზემას 99%-ით გადაწყვეტილი აქვს, რომ კარიერას მშობლიურ კლუბში დაასრულებს. ახლა საკითხავი ის არის, „9“-იანი საფრანგეთს 2023 წელს დაუბრუნდება, თუ 2024-ში.