ჩავი ერნანდესმა მადრიდის „რეალთან“ დაპირისპირების წინ პრესკონფერენცია გამართა...

„მადრიდში ძალიან მონდომებულები ჩავალთ და მაქსიმალური შედეგის ჩვენებას ვეცდებით. ჩვენ საკუთარი სტილი გვაქვს და ვეცდებით, რომ ბურთზე კონტროლი არ დავკარგოთ.“

„თუ ვინმე ფავორიტის სტატუსს ფლობს, ეს „რეალია“, თანაც ანჩელოტის გუნდი საშინაო არენაზე თამაშობს. ისინი ლიდერები არიან და ლა ლიგის მოგების ყველაზე დიდი შანსი აქვთ.“

„ბენზემას სახით „ბლანკოსს“ ძალიან ძლიერი ფეხბურთელი დააკლდება. ფრანგი ბოლო 2-3 წლის განმავლობაში კიდევ უფრო განვითარდა. კარიმის არყოფნა ჩვენს სტილს არ შეცვლის.“

„ჟერარ პიკეს გარკვეული პრობლემები აქვს, მაგრამ ბერნაბეუზე გამოსვლას შეძლებს.“

„ეს იქნება კარგი ტესტი იმისათვის, რომ ჩვენი საუკეთესო თვისებები გამოვავლინოთ და ყველას ვაჩვენოთ, რომ დიდი პროგრესი გვაქვს.“

„როდესაც ფეხბურთელი ვიყავი, მადრიდში საოცარ შედეგებს ვაჩვენებდით. ალბათ იმ ეპოქის განმეორება მარტივი არ იქნება.“

„მას შემდეგ, რაც ლა ლიგაში დავბრუნდი, „რეალმა“ მხოლოდ 2 მატჩი წააგო. ვეცდებით, „ელ კლასიკო“ მოვიგოთ, მაგრამ არამგონია ამ შედეგმა საბოლოოდ რამე შეცვალოს.“

„საუდის არაბეთში გამართულ „ელ კლასიკოზე“ ჩემი ფეხბურთელები საკმაოდ კარგ შთაბეჭდილებას ტოვებენ, მას შემდეგ ბევრი ვიმუშავეთ და ახლა ბევრად ძლიერები ვართ.“