ინსტიტუციონალური ურთიერთობების დანაყოფის ხელმძღვანელი ემილიო ბუტრაგენიო ქალაქ ნიონში ჩემპიონთა ლიგის კენჭისყრას ესწრებოდა. ღონისძიების შემდეგ გუნდის წარმომადგენელმა ჟურნალისტებთან ისაუბრა...

„პირველ რიგში უნდა აღვნიშნო, რომ მოხარული ვარ ნიონში ყოფნით. 2 წლიანი პაუზის შემდეგ ყველა ერთად შევიკრიბეთ და კენჭისყრას ფიზიკურად დავესწარით. „ჩელსი“ ძალიან ძლიერი გუნდია, რომელიც მოქმედი გამარჯვებულის სტატუსს ფლობს. ეს არის კარგად ორგანიზებული, შეკრებული და გამართული კოლექტივი, რომელმაც სულ ცოტა ხნის წინ შეძლო ჩვენი დამარცხება.“

„ის, რომ მეორე თამაში ბერნაბეუზეა, გარკვეულ უპირატესობას გვაძლევს, თუმცა პირველ მატჩში დაფიქსირებულ შედეგს უდიდესი მნიშვნელობა მიენიჭება.“

„ცარიელი ტრიბუნები ლონდონში? ეს ჩემი საქმე არ არის. ვნახოთ, როგორ განვითარდება მოვლენები.“

„ზუსტად ვიცი, რომ გულშემატკივრებისგან დიდ მხარდაჭერას უნდა ველოდოთ. ორივე გუნდს უყვარს შეტევა და ესთეთიკური ფეხბურთის ჩვენება, აქედან გამომდინარე ორივე მატჩში ლამაზ მომენტებს და გოლებს ველით.“

„1/2 ფინალის სასურველ მეტოქეზე ახლა ვერ გესაუბრებით, რადგან ჩვენ 1/4 ფინალში ორი უმძიმესი მატჩის ჩატარება მოგვიწევს. მოვლენებს წინ ნუ გავუსწრებთ.“

„„პსჟ“-სთან გამარჯვების ღამე იყო დიდი სტიმული და მოტივაცია „რეალის“ ყველა ფეხბურთელისთვის. ჩვენ დავამატკიცეთ, რომ ბრძოლას ყოველთვის აქვს აზრი.“