ფედერიკო ვალვერდემ მადრიდის „რეალის“ ოფიციალურ ვებ-გვერდს ინტერვიუ მისცა, სადაც მიმდინარე მოვლენებს, მოახლოვებულ „ელ კლასიკოსა“ და სამომავლო გეგმებს შეეხო...

„როდესაც ბერნაბეუზე გადიხარ სათამაშოდ, ვალდებული ხარ, მაღალი დონის ფეხბურთი აჩვენო მაყურებელს და გაიმარჯვო. ჩვენ „პსჟ“-სთან მატჩში არნახული მოტივაცია გამოვამჟღავნეთ და გამარჯვება დავიმსახურეთ. მიხარია, რომ ჩემპიონთა ლიგის 1/4 ფინალში ვართ.“

„„სევილიასთან“ ქულათა სხვაობა ნამდვილად ძალიან კომფორტულია, მაგრამ მოდუნება და გაჩერება არ შეიძლება. წინ დიდი გამოწვევები გვაქვს და დაწყებული საქმე ბოლომდე უნდა მივიყვანოთ.“

„მთელი კვირის განმავლობაში ბოლომდე დავიხარჯებით იმისთვის, რომ მოწოდების სიმაღლეზე ვიდგეთ. „ბარსელონასთან“ გამარჯვებას დიდ მნიშვნელობას ვანიჭებთ.“

„ანჩელოტი ყოველთვის ცდილობს აგვიხსნას, რას ნიშნავს „რეალის“ გერბის ქვეშ თამაში. იტალიელი აქაურობას დიდ პატივს სცემს და ცდილობს, რომ ფეხბურთელებისგან მაქსიმუმი მიიღოს.“

„კარლიტო ტაქტიკური თვალსაზრისით განსწავლულია მწვრთნელია, მას ყოველთვის უყვარს გარკვეული იდეოლოგიის ჩამოყალიბება.“

„დიდი სურვილი მაქვს გავაგრძელო მუშაობა და გაცილებით დიდ შედეგებს მივაღწიო. ჩემთვის ძალიან მნიშვნელოვანია სამეფო კლუბის ღირსების დაცვა.“

„გულშემატკივართა მხარდაჭერას ძალიან დიდი მნიშვნელობა ექნება. ჩვენ ვაცნობიერებთ, რას ნიშნავს „ელ კლასიკოში“ გამარჯვება, ამისთვის კი ყველაფერს გავიღებთ. ვიცით, რომ ქომაგებისთვის დამაკმაყოფილებელი შედეგი მხოლოდ 3 ქულა იქნება. თუ „ბარსელონას“ ვერ მოვუგებთ, კმაყოფილი არავინ დარჩება.“