„რეალი“ რის ჯეიმსს უახლოვდება
ლონდონის „ჩელსის“ არასტაბილური ეკონომიკური მდგომარეობა, ზაფხულში ფეხბურთელების წასვლას მოასწავებს. რომან აბრამოვიჩის მიმართ დაწესებულმა სანქციებმა „არისტოკრატებს“ სერიოზული პრობლემები შეუქმნა, რაც სატრანსფერო ოპერაციების განხორციელებას, ფეხბურთელთა კონტრაქტების გახანგრძლივებას და კიდევ ბევრ მნიშვნელოვან დეტალს ეხება...
ფლორენტინო პერესი დანიელ კარვახალის შემცვლელის ძიებაშია და ერთ-ერთ საუკეთესო ვარიანტად რის ჯეიმსი მიაჩნია, რომელსაც საკმაოდ დიდი პროგრესი აქვს და პერსპექტიულ ახალგაზრდად ითვლება.
პერესს ყველაზე მეტად ტრენტ ალექსანდრ არნოლდი მოსწონს, თუმცა „ლივერპული“ ფეხბურთელის გაშვებზე კატეგორიულ უარს აცხადებს და ასტრონიმულ თანხებს ითხოვს, რაც მოთამაშის მადრიდში ტრანსფერს ფაქტობრივად გამორიცხავს.
„რეალი“ მიმდინარე მოვლენებს დააკვირდება, რის შემდეგაც ზაფხულში რის ჯეიმსის ტრანსფერზე სერიოზულად იმუშავებს.
სამეფო კლუბის ხელმძღვანელობა მზად არის, ინგლისელ განაპირა მცველს, 6 წლიანი კონტრაქტი და საკმაოდ მიმზიდველი სახელფასო პირობები შესთავაზოს.
- 12 მარტი 2022
- 1 130
- 8
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
