კარიმ ბენზემამ მადრიდის „რეალის“ ოფიციალურ ვებ-გვერდს ინტერვიუ მისცა, სადაც „პსჟ“-სთან ჩატარებული მატჩი გაანალიზა. ფრანგი ასევე შეეხო ფლორენტინო პერესის ისტორიულ საჩუქარს, სამომავლო გეგმებს და გუნდში არსებულ ვითარებას...

„„პსჟ“-სთან მატჩის სრული ვიდეოჩანაწერი არ მინახავს, თუმცა ვნახე ვრცელი მიმოხილვა, სადაც ყველა მნიშვნელოვანი მომენტი იყო შესული. ეს მართლაც ისტორიული ღამე გახლდათ, სადაც მადრიდის „რეალმა“ დიდებულ წარმატებას მიაღწია და ეს გამარჯვება თითოეულ ქომაგს მიუძღვნა.“

„ვარჯიშის კვირა ენთუზიაზმით სავსე იყო. ფეხბურთელების ფიქრები მხოლოდ ფრანგულ კლუბს უკავშირდებოდა. საოცარი მოტივაციითა და შემართებით გავედით მოედანზე და გვჯეროდა, რომ გამარჯვება შესაძლებელი იქნებოდა. ჩვენ მართლაც საოცრება შევძელით და დავამტკიცეთ, რომ ტურნირის ფავორიტები ვართ.“

„დი სტეფანოს მაჩვენებლის გაუმჯობესება მართლაც დიდი ოცნება იყო. როდესაც მადრიდში ჩამოვედი და პრეზენტაციას შედგა, დონ ალფრედო ჩემთან მოვიდა და მითხრა, რომ ამ კლუბით სიამოვნება მიმეღო. მისი რჩევები ყოველთვის საინტერესო გახლდათ. ახლა დი სტეფანოს შედეგი გავაუმჯობესე, რაც უფრო მოტივირებულს მხდის და მაიძულებს წინ ვიარო.“

„ეს იყო ჯადოსნური ღამე. მწვრთნელები, ქომაგები, თანაგუნდელები, ჟურნალისტები ერთიანობაში დიდებულ გარემოს ქმნიდნენ. ისტორიული დღის მონაწილე ვარ და მჯერა, რომ სამეფო კლუბს წინ კიდევ უფრო დიდი წარმატებები ელის.“

„შესაძლოა ეს სეზონი ჩემს კარიერაში საუკეთესო იყოს, მაგრამ არაერთი ისტორიული მატჩი მახსენდება, მაგალითად „ლივერპულთან“ ფინალში და ასე შემდეგ. მჯერა, რომ გუნდის დახმარება შემიძლია. აქ ყოფნა დიდ სიამოვნებას მანიჭებს. „პსჟ“-სთან პირველი ტაიმის შემდეგ მადრიდის „რეალი“ უკიდურესად მძიმე მდგომარეობაში იყო. გუნდს პირველი თამაში წაგებული ჰქონდა, საშინაო არენაზე კი კვლავ აგებდა. 45 წუთში 2 ბურთიანი სხვაობის აღმოფხვრა და შემდეგ წინ გასვლა ალბათ უკიდურესად ოპტიმისტი ადამიანისთვის იქნებოდა შესაძლებელი.“

„ანჩელოტი დიდებული მწვრთნელის, ის მეტ მოტივაციას და თავდაჯერებულობას მაძლევს. იტალიელის გამოცდილება და ფეხბურთელებთან დამყარებული ურთიერთობა წარმატების საწინდარია. კარლიტოსთან მუშაობა მართლაც ყველა მოთამაშისთვის სასიამოვნოა.“

„ინდივიდუალურად ვერაფერს მიაღწევ, თუ ამაში ხელს გუნდი არ გიწყობს. ჩვენ არაერთი ვარსკვლავური სტატუსის მქონე მოთამაშე გვყავს. გუნდის რესურსი ძალიან დიდია. გამოცდილი და ახალგაზრდა ფეხბურთელები ერთმანეთში დიდებულ სინთეზს ქმნიან და საბოლოო ჯამში გუნდის გამოსვლა პროდუქტიული ხდება.“

„14 გოლი რაულის შედეგამდე? დიახ, მართლაც ამაღელვებელი ფაქტია, მაგრამ ახლა ამაზე ვერ ვისაურებ. ახლა ჩემი მიზანი გუნდთან ერთად ტიტულების მოგებაა. თუ ბევრ მატჩს მოვიგებთ, ეს ავტომატურად აისახება ჩემს პირად სტატისტიკაზე. „ელ კაპიტანოს“ შედეგის გაუმჯობესებაზე მხოლოდ მაშინ ვისაურებ, როდესაც მას მივუახლოვდები.“

„როდესაც მადრიდში ჩამოვედი, ძალიან ახალგაზრდა და ოცნებებით სავსე ბიჭი ვიყავი. არ ვიცოდი, რას ნიშნავდა „რეალში“ თამაში და რა სტანდარტების დაკმაყოფილება მომიწევდა. საკმაოდ რთული გზა გავიარე, მაგრამ არასდროს მიფიქრია, რომ თავის დამკვიდრებას ვერ შევძლებდი, აქ მრავალი წლით დარჩება ჩემი ოცნება იყო. გავიდა წლები და დღეს ძალიან ბედნიერი ვარ. მადრიდი ჩემი ქალაქია, აქაურობა დიდ სიამოვნებას მანიჭებს, მიყვარს ესპანელი ხალხი და დიდ სიამოვნებას ვიღებ თითოეული წუთით, რომელსაც აქ ვატარებ.“

„მე უკვე ვიცი, როდის წავალ „რეალიდან“, თუმცა ამაზე ახლა ვისაურებ, რადგან ჯერ კიდევ საკმარისი დროა. ვეცდები, მაქსიმალური სიამოვნება მივიღო და გუნდს იქამდე დავეხმარო, სადამდეც შემეძლება.“

„ახლა ლა ლიგაზე ვფიქრობთ. პარიზულ გუნდთან გამარჯვებამ თავდაჯერებულობა კიდევ უფრო შეგვმატა, მაგრამ ვიცით, რომ ესპანეთის შიდა პირველობაზე თამაში განსხვავებულ სპეციფიკას მოითხოვს. უახლოეს მდევართან 8 ქულიანი სხვაობა გვაქვს, მაგრამ მთავარი ბრძოლა კიდევ წინ არის. სტაბილური გამოსვლა და გამარჯვებები გვმართებს, რადგან ჩვენი მიზანი ტიტულის მოგება გახლავთ.“