„პსჟ“-სთან შესრულებული ჰეთ-თრიკის წყალობით, კარიმ ბენზემამ მადრიდულ კარიერაში 307-ე, 308-ე და 309-ე გოლის გატანა შეძლო...

ამ მაჩვენებლით ფრანგმა ფეხბურთელმა სამეფო კლუბის ისტორიული ლეგენდის, ალფრედო დი სტეფანოს 308 გოლიანი მაჩვენებელი გააუმჯობესა და მთელი მსოფლიო აალაპარაკა.

სწორედ აღნიშნულ ფაქტთან დაკავშირებით, ფლორენტინო პერესმა „9“-იანს სპეციალური მაისური აჩუქა და გაწეული სამუშაოსთვის დიდი მადლობა გადაუხადა.

დღესდღეობით ბენზემა ისტორიის მესამე ბომბარდირია, მას მხოლოდ რაულ გონსალეს ბლანკო და კრიშტიანო რონალდუ აღემატებიან.