ტომას რონსეროს აზრით, მადრიდის „რეალმა“ „პსჟ“-სთან კიდევ ერთხელ უნდა დაამტკიცოს საკუთარი სიდიადე...

„ეს იქნება საღამო, სადაც მადრიდის „რეალს“ ბევრი რამ ექნება დასამტკიცებელი. პარიზში წაგებული მატჩის შემდეგ გუნდი ვალდებულია სიტუაცია გამოასწოროს, ამისთვის კი ტაქტიკურად გამართული, სწრაფი და აგრესიული ფეხბურთი უნდა შესთავაზოს მეტოქეს.“

„დიახ, მბაპემ დაზიანება მიიღო, მაგრამ არავინ იცის სინამდვილეში რაშია საქმე. ანჩელოტიმ რამდენიმე სცენარი უნდა დაგეგმოს და გუნდი მაინც ისე მოამზადოს, როგორც აქამდეც ამზადებდა. იქნება თუ არა კილიანი, სამეფო კლუბის გეგმას არ ეხება.“

„ლოტინი ბერნაბეუზე თამაშს გემოს კიდევ ერთხელ გაუგებს. დარწმუნებული ვარ, სტადიონზე საოცარი გარემო იქნება და ქომაგები ფეხბურთელებს დიდ ძალას მისცემენ.“

„თუ კროოსი მზად არ არის, სჯობს მოედანზე კამავინგა გავიდეს, რომელსაც არანორმალური ფიზიკა აქვს. ფრანგი ფაქტობრივად არ იღლება და „პსჟ“-ს სწრაფი ფეხბურთელების განეიტრალება თავისუფლად შეუძლია, მე მისი მჯერა.“

„მარცხენა მცველი? არ ვიცი, ვისზე შეაჩერებს არჩევანს ანჩელოტი, თუმცა ვთვლი, რომ ნაჩეტე მოედნის ცენტრში გაცილებით პროდუქტიულია, ვიდრე მარცხენა ფლანგზე.“