როდრიგო გოეშმა „სოსიედადის“ დამარცხების შემდეგ ჟურნალისტებთან ისაუბრა...

„ძალიან ბედნიერები ვართ. გუნდმა ბრწყინვალე მატჩი აჩვენა და დამსახურებული 3 ქულა ჩაიწერა აქტივში. ვიცით, რომ წინ რთული დაპირისპირება გველის, თუმცა როგორც ფიზიკურად, ასევე მენტალურად მზად ვართ გამოწვევების მისაღებად.“

„მატჩი რთულად დაიწყო, რადგან გოლი გავუშვით, თუმცა არ გავჩერებულვართ და ვიცოდით, რომ გამარჯვებისთვის ყველაფერი უნდა გაგვეკეთებინა. საფინალო სასტვენის შემდეგ მივხვდით, რომ მდევართან სხვაობა უკვე 8 ქულას შეადგენს, რაც თავისთავად ძალიან მნიშვნელოვანია.“

„გულშემატკივრებმა დიდი დახმარება გაგვიწიეს, ბერნაბეუზე საოცარი ატმოსფერო სუფევდა. ქომაგების როლის ძალიან დიდი იქნება ჩემპიონთა ლიგის 1/8 ფინალშიც.“

„მე და ვინიმ ფლანგებიდან მაქსიმუმი გავიღეთ იმისათვის, რომ შეტევები სწრაფ ტემპში წარმართულიყო.“

„საშინაო არენაზე ყოველთვის ძალიან კარგად ვთამაშობთ. ეს ბერნაბეუა, სადაც მადრიდის „რეალს“ ნებისმიერი მეტოქის დამარცხება შეუძლია.“