„სოსიედადთან“ დაპირისპირების შემდეგ კარლო ანჩელოტიმ პრესკონფერენცია გამართა...

„დღევანდელი დღის შემდეგ მთელ მადრიდს სჯერა, რომ გუნდი მზად არის „პსჟ“-ს დასამარცხებლად და საუკეთესო ფეხბურთის საჩვენებლად. ახლა მთელ ყურადღებას პარიზული გრანდის წინააღმდეგ გადავიტანთ. დღევანდელ საღამოს ქომაგების არნახული მხარდაჭერა გვქონდა და ასე იქნება ჩემპიონთა ლიგის მატჩშიც.“

„საჯარიმოს გარედან დარტყმები უნდა გავახშიროთ, რადგან ჩვენ შესანიშნავი შემსრულებლები გვყავს მოდრიჩის, კამავინგას, კროოსის და ასენსიოს სახით. ვიცით, რა რესურსი გვაქვს და როგორ გამოვიყენოთ. ამ მატჩში ქომაგებმა შესანიშნავი გოლები იხილეს.“

„არ არსებობს ფეხბურთელი, რომელიც კაზემიროს „პსჟ“-სთან სრულფასოვნად შეცვლის, რადგან ის საკუთარ პოზიციაზე საუკეთესოა და ფუნქცია-მოვალეობებს იდეალურად ართმევს თავს. თუ „პსჟ“-სთან მის ადგილზე კროოსს გამოვიყენებთ, შეტევაში უფრო პროდუქტიულები ვიქნებით, თუმცა დაცვაში მეტი ყურადღების გამოჩენა დაგვევალება.“

„კამავინგა ძალიან ენერგიული ფეხბურთელია. ედუს აქვს ხარისხი და ნიჭი, მას უნდა ჰქონდეს მოთმინება და აუცილებლად მიაღწევს წარმატებას. ფრანგ ფეხბურთელს ნახევარდაცვის ნებისმიერ პოზიციაზე შეუძლია ძალების მოსინჯვა.“

„არ ვიცი ითამაშებს თუ არა კამავინგა სასტარტოში ჩემპიონთა ლიგაზე. ამის შესახებ გადაწყვეტილებას მატჩის დღეს მივიღებ.“

„1/8 ფინალის განმეორებითი დაპირისპირების წინ შესანიშნავ განწყობაზე დავდექით. გუნდმა ყველა რგოლში ბრწყინვალედ ითამაშა. თუ 9-შიც ასეთი მაღალი დონის ფეხბურთს შევთავაზებთ მეტოქეს, აუცილებლად გავიმარჯვებთ და 1/4 ფინალში გავალთ.“