კარიმ ბენზემას „რაიო ვალეკანოსთან“ დაპირისპირება ალბათ არასდროს დაავიწყდება. ფრანგმა ფეხბურთელმა სამეფო კლუბის რიგებში მე-400 გამარჯვება მოიპოვა, ციფრები კი მართლაც საოცარია...

ფეხბურთელი, რომელიც „მერენგების“ რიგებში მე-13 სეზონს ატარებს, 590 ჩატარებულ მატჩს მოითვლის, სადაც 400-ჯერ გამარჯვებას მიაღწია. სულ რაღაც 10 მატჩია საჭირო იმისათვის, რომ ფორვარდი „600“-იანთა ლიგაში გადავიდეს.

„რაიოსთან“ კარიმმა გადამწყვეტი გოლის გატანა შეძლო, რამაც გუნდს 3 ქულა მოუპოვა. აღსანიშნავია, რომ 590 მატჩში კარიმის ანგარიშზე 305 გოლია.

400 გამარჯვებიდან 286 ესპანეთის შიდა პირველობაზე მოდის, 74 ჩემპიონთა ლიგაზე, ხოლო დანარჩენი სხვა ტურნირებზე.

ფეხბურთელმა „რეალის“ რიგებში აბსოლუტურად ყველა ტიტულის მოგება შეძლო, საერთო ჯამში მის ანგარიშზე 20 თასია, აქედან 4 კი ჩემპიონთა ლიგის.