ანჩელოტი:„ჩემმა გუნდმა დამსახურებული გამარჯვება მოიპოვა“
„რაიოსთან“ მატჩის შემდეგ კარლო ანჩელოტიმ პრესკონფერენცია გამართა...
„პირველ ტაიმში საკმაოდ კარგი მომენტები გვქონდა, მაგრამ გოლად გარდასახვა ვერ მოვახერხეთ. მეორე ნახევარში ამოცანა უფრო გართულდა, თუმცა საბოლოო ჯამში გამარჯვებას მივაღწიეთ და აქტივში 3 მნიშვნელოვანი ქულა ჩავიწერეთ.“
„ერთგულებით, შრომით და თავდადებით სასურველ შედეგს მივაღწიეთ. ფეხბურთელები მინდვრის მდგომარეობის გამო კმაყოფილები არ იყვნენ, თუმცა ეს უკვე ჩავლილი პაექრობაა.“
„ასენსიო პროდუქტიული მოთამაშეა, მისი შეცვლა იმიტომ გადავწყვიტე, რომ მოედანზე მეტი სისწრაფე გვჭირდებოდა. სწორედ ამიტომ დასვენებულ ფეხბურთელებს მოედანზე გასვლის საშუალება მივეცი.“
„შესაძლოა „პსჟ“-სთან დაპირისპირებაში სწორედ კროოსი, მოდრიჩი და ვალვერდე გამოვიყენო, მათ დღეს ბრწყინვალედ ითამაშეს.“
„სწორ გზას ვადგავართ. ჩვენ გვაქვს იმის დრო, რომ კარგად ვივარჯიშოთ და უფრო დიდი პროგრესი ვაჩვენოთ.“
„კაზემირომ ყვითელი ბარათი მიიღო. დამატებითი პრობლემების თავიდან აცილების მიზნით, ბრაზილიელის დასვენება გადავწყვიტე. მას ვუთხარი, რომ სახიფათოდ ითამაშა და მოედანზე დარჩენა პრობლემატური იქნებოდა.“
„ვინისიუსი ბოლო მატჩებში მნიშვნელოვნად გაუმჯობესდა. დღეს ბრაზილიელმა ფეხბურთელმა საგოლე გადაცემა ჩაიწერა აქტივში და არაერთ შემთხვევაში ცდილობდა სიტუაციის გამწვავებას.“
„დღეს მოთამაშეები უარყოფითი არაფერი დამინახავს. გავიმარჯვეთ, რამაც ძალიან გამახარა.“
„დღეს მოვიგეთ იმიტომ, რომ კარგად ვითამაშეთ. დიახ, ტიბო დიდი წვლილი შეიტანა გამარჯვებაში, თუმცა გადამწყვეტი როლი არ უთამაშია. მახსენდება რამდენიმე მატჩი, სადაც ბელგიელის როლი მართლაც უმთავრესი გახლდათ.“
„ლუნინს იდაყვის პრობლემა ჰქონდა, სწორედ ამიტომ განაცხადიდან ამოვარდა. მის ქვეყანაში არსებული ვითარება ანდრეიზე ძალიან ცუდად მოქმედებს, თუმცა გადაწყვეტილებას სპორტული ასპექტი განაპირობებდა და არა ფსიქოლოგიური.“
- 27 თებერვალი 2022
- 2 915
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
