სამეფო კლუბის ფეხბურთელებმა კვირის მეოთხე ვარჯიში წარმატებით დაასრულეს. ეს იყო ბოლოსწინა სესია, შაბათს კი „რეალის“ მეტოქე „რაიო ვალეკანო“ იქნება.

საწყისი გახურების შემდეგ ანჩელოტის ფეხბურთელებმა ტაქტიკურ მონახაზებს დიდი ყურადღება დაუთმეს. ფეხბურთელებმა ასევე ივარჯიშეს ბურთის ფლობაზე, პრესინგზე, კარში დარტყმებსა და მოკლე სივრცეში ზუსტ თამაშზე.

აღსანიშნავია, რომ გასტროენტერიტის შემდეგ ფედერიკო ვალვერდე გუნდს დაუბრუნდა და 100%-იანი დატვირთვა მიიღო, ის „რაიოსთან“ მატჩში განაცხადში იქნება.

დავიდ ალაბამ და ტონი კროოსმა სატრენაჟორო დარბაზში ფიზიკური კონდიციების გაუმჯობესებაზე მუშაობდნენ.