კაზემირო იუბილარია!
დღეს მადრიდის „რეალის“ ვარსკვლავს და უდავო ლიდერს, კარლო ენრიკე კაზემიროს დაბადების დღე აქვს...
ბრაზილიელი ნახევარმცველი 30 წლის გახდა. კაზემირო 1992 წლის 23 თებერვალს ბრაზილიაში დაიბადა და საფეხბურთო კარიერაც სამშობლოში დაიწყო.
გუნდის უდავო ლიდერი „მერენგების“ რიგებში 320 ჩატარებულ მატჩს მოითვლის, სადაც 30 გოლის გატანაც მოახერხა.
მიმდინარე სეზონი კაზემიროსთვის რიგით მერვეა. ამ ხნის განმავლობაში მან 15 ტიტულის მოგება შეძლო, საიდანაც 3 ჩემპიონთა ლიგის თასია.
აღსანიშნავია, რომ კაზემირომ პირველ ეტაპზე ძალები „კასტილიაში“ მოსინჯა, რის შემდეგაც მთავარ გუნდში დაწინაურდა და დროებით „პორტოში“ წავიდა. პორტუგალიიდან დაბრუნების შემდეგ, ბრაზილიელმა „ბლანკოსის“ უდავო ლიდერის და შეუცვლელი ფეხბურთელის სტატუსი მოირგო.
ვულოცავთ კაზეს და დიდ წარმატებებს ვუსურვებთ, როგორც კარიერაში, ასევე პირად ცხოვრებაში.
- 23 თებერვალი 2022
- 934
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.