ხოსეპ პედრეროლის განცხადებით, მადრიდის „რეალში“ ერლინგ ჰოლანდის ტრავმიანობაზე სერიოზულად ფიქრობენ. მადრიდი ნორვეგიელ ფეხბურთელზე სერიოზული გათვლების გაკეთებას აპირებს, ხოლო მისი დაზიანებები ნამდვილად დასაფიქრებელია.

„ჰოლანდი ბრწყინვალე ფორვარდია და ის 10-12 წლის მანძილზე შეძლებს „ბლანკოსის“ სადარაჯოზე დგომას, მაგრამ მადრიდში ნორვეგიელის ტრავმიანობა სერიოზულად აფიქრებთ. გუნდი ამ მიმართულებით სერიოზულ დაკვირვებას აწარმოებს.“

„ფლორენტინო პერესს უკვე მოახსენეს, რომ ბორუსიელთა რიგებში გადასვლის შემდეგ ფორვარდმა 26 მატჩი გამოტოვა. 3 წლის განმავლობაში კი მან 12-ჯერ მიიღო ტრავმა, საიდანაც რამდენჯემე საქმე მიკრო დაზიანებასთან გვქონდა.“

„„მერენგებს“ აზარის სახით შესანიშნავი მაგალითი ჰყავთ, აქედან გამომდინარე, მაქსიმალურ სიფრთხილეს იჩენენ და სურთ, რომ ჰოლანდზე და მის კონდიციებზე მეტი ინფორმაცია ჰქონდეთ.“