ესპანური გამოცემების ცნობით, „რაიო ვალეკანოსა“ და მადრიდის „რეალის“ დაპირისპირებაში კარლო ანჩელოტი გარკვეული ცვლილებების განხორციელებას გეგმავს...

იტალიელი სპეციალისტი ედუ კამავინგასა და გარეთ ბეილის სასტარტო შემადგენლობაში დაყენებას აპირებს, რადგან ორივე მოთამაშე ძალიან კარგ ფიზიკურ კონდიციაში იმყოფება და ეს ყველაფერი მოედანზეც უნდა გამოჩნდეს.

„ვალეკასზე“ გასამართი მატჩი შაბათს არის დაგეგმილი, მანამდე კი ფრანგსაც და უელსელსაც რამდენიმე დღე აქვთ კარგად მოსამზადებლად.

არსებული ინფორმაციით, კამავინგა ლუკა მოდრიჩს შეცვლის, ხოლო ბეილი მარჯვენა ვინგერად იასპარეზებს.