მადრიდის „რეალის“ სკაუტები სამხრეთ ამერიკაში ძალიან სერიოზულად მუშაობენ და ტალანტების აღმოჩენას ცდილობენ. ფაქტია, რომ ეს ტაქტიკა მუშაობს და დღესდღეობით სამეფო კლუბში ვინისიუს ჟუნიორი და როდრიგო გოეში არიან. მოთამაშეები, რომლებმაც მართლაც არნახული პროგრესი აჩვენეს და დღესდღეობით „ბლანკოსის“ ძალიან მნიშვნელოვან ფიგურებად ითვლებიან...

სამეფო კლუბის ახალი ინტერესი ანჯელო გაბრიელია, რომელიც „სანტოსის“ ღირსებას იცავს და ძალიან დიდ პერსპექტივას ფლობს. ახალგაზრდა შემტევი მხოლოდ 17 წლის არის, თუმცა უკვე შეძლო და მთელი ბრაზილია აალაპარაკა.

ანჯელო „სანტოსის“ მთავარ გუნდს ახალგაზრდული კოლექტივიდან 2021 წლის იანვარში შეუერთდა და საკმაოდ ეფექტური შთაბეჭდილება დატოვა.

ფეხბურთელი უნივერსალია, თუმცა ყველაზე კარგად თავს ვინგერად გრძნობს.

2004 წელს დაბადებული ანჯელო გაბრიელ ბორგესი ძალიან სწრაფი, ტექნიკური და სხარტი აზროვნების ფეხბურთელად ითვლება. ფეხბურთელის ფასი ამ ეტაპზე 15 მილიონ ეროს აღწევს.