ფლორენციის „ფიორენტინას“ ხელმძღვანელობა ალვარო ოდრიოზოლას საოცარი პროგრესით კმაყოფილია და მიიჩნევს, რომ ესპანელი განაპირა მცველი სერია „ა“-ში უნდა დარჩეს...

ფლორენტინო პერესს შეთავაზება უკვე მაგიდაზე აქვს. ფლორენციელები მოთამაშის სანაცვლოდ 20 მილიონ ევროს იხდიან, თავად ფეხბურთელს კი 5 წლიან კონტრაქტს სთავაზობენ.

ჯერ-ჯერობით უცნობია, რას უპასუხებს სამეფო კლუბი იტალიურ მხარეს, თუმცა ფაქტია, რომ ოდრის პროგრესი აშკარაა და მას ანჩელოტის ყურადღებაც მიიპყრო.

იმ შემთხვევაში, თუ სამეფო კლუბის ხელმძღვანელობა ჯულს კუნდეს ან სხვა განაპირა მცველს დაიმატებს, ალვაროს „ფიორენტინაში“ გადასვლას მწვანე შუქი აენთება, სხვა შემთხვევაში კი არავინ იცის, როგორ განვითარდება მოვლენები.