ესპანური გამოცემების ცნობით, მადრიდის „რეალმა“ კილიან მბაპეს კიდევ ერთხელ მიმართა და გაახსენა, რომ სიტყვიერი შეთანხმება უკვე არსებობს, რომელიც არ უნდა დაირღვეს...

ფლორენტინო პერესი ლოტინს მოუწოდებს, რომ ზეწოლას გაუძლოს და ზაფხულიც მალე მოვა. იმ შემთხვევაში, თუ კილიანი „პსჟ“-სთან კონტრაქტს თუნდაც 1 წლით გაახანგრძლივებს, „ბლანკოსი“ მისთვის აღარ იბრძოლებს და ყოველგვარ სატრანსფერო მოძრაობას წერტილი დაესმება.

ფლორენტინომ კილიანს შარშან დაუმტკიცა, რომ მის მიმართ დიდი ინტერესი აქვს. 31 აგვისტოს „რეალი“ მზად იყო, ლოტინის სანაცვლოდ 200 მილიონი გადაეხადა, თუმცა პარიზელთა ხელმძღვანელობა ფეხბურთელის პოზიციას პატივი არ სცა.

თუ მბაპეს მადრიდელობა სურს, ის პარიზელებს აღარ უნდა ესაუბროს. „ბლანკოსი“ ფრანგს აფრთხილებს და მოვლენების განვითარებას ელოდება.

პერესი ფეხბურთელს საოცარ გარემოს, დიდ პროექტს და მისაღებ შემოსავლებს პირდება, დანარჩენი კი მოთამაშეზე იქნება დამოკიდებული.