ჯულს კუნდე მადრიდის „რეალის“ რადარზე გასულ ზაფხულს გამოჩნდა, მაგრამ შეთანხმება ვერ შეძლო, ვინაიდან „სევილია“ არარეალურ თანხას ითხოვდა...

როგორც სჩანს, პრეზიდენტი პერესი ინტერესს მომდევნო ზაფხულსაც განაახლებს, რაც გუნდში არსებული სიტუაციიდან გამომდინარეობს.

კუნდეს დამატების შემთხვევაში „ბლანკოსი“ მარჯვენა მცველის პრობლემასაც მოხსნის და ცენტრშიც მნიშვნელოვნად გაძლიერდება, ვინაიდან ფრანგი ფეხბურთელი როგორც ცენტრში, ასევე ფლანგზე ძალიან ეფექტური და შედეგისმომცემია.

ამ სეზონში ჯულსმა რამდენჯერმე ითამაშა სხვადასხვა პოზიციაზე, როგორც ანდალუსიურ კლუბში, ასევე საფრანგეთის ნაკრებში. შედეგად, ცხადია, რომ ანჩელოტის მასზე გათვლის გაკეთების საშუალება მიეცემა.