ხორხე ვალდანოს განცხადებით, გარეთ ბეილის გამოცდილება და ამჟამინდელი მოტივაცია „პსჟ“-სთან დაპირისპირებაში ძალიან მნიშვნელოვანი იქნება...

„მე ვფიქრობ, რომ „ვილიარეალთან“ პაექრობაში ბეილმა ძალიან დიდი მოტივაცია და შემართება აჩვენა. უელსელი მოთამაშე ცენტრ-ფორვარდის პოზიციაზე შესანშნავი იყო. მისი დარტყმის შესახებ ყველას კარგად მოეხსენება, ანჩელოტიმ ის ცენტრში დაინახა და ვფიქრობ, რომ სწორად მოიქცა.“

„ბენზემას არყოფნის პირობებში ბეილის გამოყენება იდეალური გადაწყვეტილება იქნება. ვერც ისკო, ვერც როდრიგო და ვერც იოვიჩი ვერ აჩვენებს იმ დონეს, რასაც ბეილი, ვინაიდან მან იცის ჩემპიონთა ლიგაზე თამაში, თავდასხმაში კი აშკარად ეფექტურია.“

„კარლომ პრესკონფერენციაზე ღიად თქვა, რომ ბეილში დიდ მოტივაციას ხედავს. როგორც სჩანს, გარეთს მართლაც სურს „ბლანკოსში“ გატარებული ბოლო თვეები ნაყოფიერი გამოდგეს.“