იმ შემთხვევაში, თუ მარსელო ვიეირა საფეხბურთო კარიერის დასრულების გადაწყვეტილებას მიიღებს, მადრიდის „რეალი“ მას ახალ სამსახურს შესთავაზებს...

გადაწყვეტილება პრეზიდენტმა პერესმა უკვე მიიღო. ცნობილი ხდება, რომ ვიეირას ამ ამპლუაში ვეღარ ვიხილავთ, რადგან სხვა კლუბში წასვლა არ სურს და ბუცებს მალე ჩამოკიდებს ლურსმანზე.

უკვე ცნობილია, რომ მარსელოს ჰყავს რამდენიმე კონტრაქტორი, რომლის სარეკლამო სახე გახდება და ამ მიმართულებით სერიოზულ მუშაობას აპირებს. ამასთანავე ვიეირა დიდ ყურადღებას მიაქცევს აკადემიას, რომელიც ახალგაზრდა ფეხბურთელების აღმოჩენითა და განვითარებით არის დაკავებული.

„რეალის“ კაპიტანი აქტიურად იმოგზაურებს ბრაზილიაში და ტალანტებს პროგრესში დაეხმარება.

კიდევ ერთი მიმართულება კი „ბლანკოსის“ მენეჯმენტში დასაქმება შესაძლოა გახდეს. პერესი სეზონის ბოლოს ვიეირას კონკრეტულ მიმართულებებს წარუდგენს, სადაც ლეგენდა იმუშავებს.