ლა ლიგის მიმდინარე გათამაშების ლიდერი მადრიდის „რეალია“, მაგრამ ანჩელოტის გუნდის შედეგები დროის გასვლასთან ერთად სახარბიელო ნამდვილად არ არის...

24-ე ტურის თავზე სამეფო კლუბმა 16 მოიგო, 6 ფრედ დაასრულა და 2 წააგო. გამოდის, რომ „მერენგები“ ყოველ მეოთხე დაპირისპირებას ფრედ ასრულებენ, რაც არც ისე კარგ შედეგად შეიძლება ჩაითვალოს.

ფაქტი ისაა, რომ „ბლანკოსის“ ამჟამინდელ ლიდერობას მეტოქე გუნდების სისუსტე უფრო განაპირობებს, ვიდრე „ბლანკოსის“ სრულფასოვნება.

რაც შეეხება ზოგად სტატისტიკას. ანჩელიტის გუნდის ანგარიშზე ლა ლიგის 24 მატჩში 48 გატანილი და 20 გაშვებული გოლია. იტალიელის დამოძღვრილი კოლექტივი თითო მატჩში საშუალოდ 2 გოლს იტანს, მაშინ როდესაც 6-8 კვირის წინ გუნდის მაჩვენებელი თითო მატჩში 2.6 გოლიც კი იყო.