ესპანური გამოცემების ცნობით, კარლო ანჩელოტი „ვილაირეალთან“ დაპირისპირებაში გარეთ ბეილს გარკვეულ წუთებს მისცემს, თუმცა მან შესაძლოა ცენტრ-ფორვარდის პოზიციაზე იასპარეზოს...

ანჩელოტი სხვადასხვა გეგმას ამუშავებს, რადგან იცის, რომ კარიმ ბენზემას თამაში „პსჟ“-სთან საეჭვოა და რისკებთან არის დაკავშირებული. იმ შემთხვევაში, თუ ბეილმა „ვილიარეალთან“ ცენტრ-ფორვარდად გაამართლა, შესაძლოა „პსჟ“-სთან დაპირისპირებაშიც იგივე განმეორდეს.

აღსანიშნავია, რომ ზინედინ ზიდანის მწვრთნელობის მეორე ეტაპზე ბეილმა აღნიშნულ პოზიციაზე 6-ჯერ მოსინჯა ძალები და საკმაოდ ნორმალური შთაბეჭდილება დატოვა. ექსპერტები ასევე იხსენებენ ხულიენ ლოპეტეგის რამდენიმეთვიანი მმართველობის პერიოდს, სადაც ბეილმა 3-ჯერ ითამაშა ცენტრალური თავდამსხმელის პოზიციაზე.