მარკო ასენსიომ ჟურნალისტებთან ინტერვიუში სერხიო რამოსზე, კილიან მბაპეზე, სამომავლო გეგმებზე და ფიზიკურ კონდიციაზე ისაუბრა...

„„გრანადასთან“ დაპირისპირების შემდეგ სერხიო რამოსმა შეტყობინება გამომიგზავნა და გამარჯვების გოლის გატანა მომილოცა, კაპიტანს ჩემს მიერ შესრულებული დარტყმა ძალიან მოეწონა. სერხიოს ვუპასუხე, რომ წარმატებებს ვუსურვებ და ვიმედოვნებ, „პსჟ“-სა და „ბლანკოსის“ დაპირისპირებაში მონაწილეობის მიღებას შეძლებს, მასთან მოედანზე შეხვედრა დიდებული იქნება.“

„მბაპე? დიდი სიამოვნებით ვითამაშებდი მსოფლიოს საუკეთესო ფეხბურთელებს შორის, ის ერთ-ერთი მათგანია. თუ მადრიდისტა გახდება, მე მასთან დიდებულ დუეტს შევქმნი.“

„ბენზემა ყოველწლიურად ყველა ასპექტს აუმჯობესებს და ცდილობს, უმაღლეს დონეზე იდგეს. ფრანგის გარეშე თამაში ძალიან გვიჭირს, ეს ბუნებრივია, რადგნა ის ერთ-ერთი საუკეთესო ფორვარდია.“

„როცა რაღაცას ვაკეთებ, მაქსიმალურად თავდაჯერებული ვარ. ეს კი კარლო ანჩელოტის დამსახურებაა. იტალიელმა ფსიქოლოგიური თვალსაზრისით დიდი დახმარება გამიწია და დამარწმუნა, რომ გუნდისთვის საჭირო ფიგურა ვარ.“

„აზარის მდგომარეობა სახარბიელო არ არის, მაგრამ მას ჯერ კიდევ აქვს იმის შანსი, რომ ძალიან მაღალი დონის ფეხბურთი ითამაშოს. ედენი ვარჯიშებზე ბოლომდე იხარჯება და ამას ყველა ხედავს. ბელგიელის კლასში ეჭვის შეტანა სისულელეა.“