პედრო ლეონი ქალაქ მურსიაშია დაბადებული. ის ამავე ქალაქის გუნდმა აღზარდა. “სამეფო კლუბში” მურსიელ ფეხბურთელებს ადრეც უთამაშიათ, პედრო კი მათ სიაში რიგით მეცხრეა.

ანტონიო რუისი (1956-1962): რუისმა “რეალში” 6 სეზონი გაატარა და ჩემპიონთა თასი ოთხჯერ მოიგო. ამას გარდა, ანტონიოს შესაძლებლობა მიეცა, ეთამაშა ისეთი დიადი ფეხბურთელების გვერდით, როგორებიც დი სტეფანო, პუშკაში და ხენტო იყვნენ.

ხოსე ლუის ბორხა (1969-1971): ბორხამ მადრიდში ორი სეზონი დაჰყო, რის შემდეგაც ის “ესპანიოლში” გაუშვეს, სადაც ამ ფეხბურთელმა მისი კარიერის უდიდესი ნაწილი გაატარა.

ხოსე მაკანასი (1972-1978): “რეალმა” ეს მოთამაშე საფეხბურთო კლუბ “ლოს რამოსიდან” შეიძინა 1972 წელს. “სამეფო კლუბში” გატარებული 6 სეზონის შემდეგ, მან მადრიდული გრანდი დატოვა.

ხოსე ანტონიო კამაჩო (1973-1989): მადრიდის “რეალის” ერთ-ერთი სიმბოლო. 16 სეზონის მანძილზე “სამეფო კლუბში” 400-ზე მეტი შეხვედრა ჩაატარა და ყველასთვის პროფესიონალიზმის ნიმუშად იქცა. მოგვიანებით “ბლანკოსს” მწვრთნელის რანგში დაუბრუნდა, თუმცა წარუმატებლად.

ჩენდო (1982-1998): ჩენდომ “რეალში” მისი კარიერის უდიდესი ნაწილი გაატარა. “ბუტრეს ხუთეულთან” ერთად, ის “სამეფო კლუბის” ერთ-ერთ ლიდერად წლების მანძილზე ითვლებოდა.

ხუანმი (1992-1993): “რეალის” ოფიციალურ მატჩებში ამ ფეხბურთელს, რომელიც ამპლუით მეკარე გახლდათ, არ უასპარეზია. სამაგიეროდ, ძალიან წარმატებული კარიერა ჰქონდა “სამეფო კლუბის” დატოვების შემდეგ, “სარაგოსასა” და “დეპორტივოში” თამაშის დროს.

მისტა (1996-1998): თავის დროზე “რეალიდან” მისტას გაშვებას ორაზროვანი პოზიცია მოჰყვა. “სამეფო კლუბის” სარეზერვო გუნდის საუკეთესო ბომბარდირმა კარიერის საუკეთესო წლები “ვალენსიაში” გაატარა, რის შემდეგაც მეტ-ნაკლები წარმატებით ასპარეზობდა “დეპორტივოსა” და “ატლეტიკოში”. კარიერის დასკვნით ეტაპზე კი, “ორი კაპიკის” საშოვნელად, აშშ-ში წავიდა.

ხავი გარსია (2004-2009): ხავი გარსიასგან აშკარად უფრო მეტს ელოდნენ, თუმცა “სამეფო კლუბში” მან საკუთარი შესაძლებლობები ვერ გამოავლინა, რასაც ვერ ვიტყვით “ბენფიკაზე”. გარსია ლისაბონური გუნდის ერთ-ერთი ლიდერია.

პედრო ლეონი (2010-): “სამეფო კლუბში” “ვალიადოლიდსა” და “ხეტაფეში” გატარებული წარმატებული სეზონების შემდეგ გადაბარგდა. დასამტკიცებელი ძალიან ბევრი აქვს.

ინფორმაციის წყარო: defensacentral.com