ზიდანი და რონალდუ „პსჟ“-ში, მბაპე „რეალში“
ესპანური გამოცემები 2022 წლის ზაფხულში ძალიან სერიოზულ ტრანსფერებს აანონსებენ...
რამდენიმე ანალიტიკოსის და მიმომხილველის ცნობით, კრიშტიანო რონალდუ სეზონის ბოლოს მანჩესტერ „იუნაიტედს“ და ზოგადად პრემიერლიგას დატოვებს, მისი მომდევნო ნავსაყუდელი კი „პსჟ“ გახდება, რომელიც თავის მხრივ კილიან მბაპეს დაკარგავს, ფრანგის მადრიდის „რეალში“ გადასვლა გადაწყვეტილია.
ასევე ცვლილება იქნება სამწვრთნელო შტაბში და მაურისიო პოჩეტინოს ადგილს ზინედინ ზიდანი დაიკავებს. ალბათ ვერავინ წარმოიდგენდა, რომ რამოსი, რონალდუ და მესი ერთად ითამაშებდნენ, მათი დამრიგებელი კი ზინედინი იქნებოდა.
არსებული ინფორმაციით, საფრანგეთის ნაკრები დიდიე დეშამთან თანამშრომლობის გაგრძელებას გეგმავს, სწორედ აქედან გამომდინარე, ზიზუ სხვა გზა აღარ აქვს, მისი პაუზა ისედაც ხანგრძლივი გამოდგა, ახლა კი გააქტიურები დროა.
Defensacentral-ის ინფორმაციით, აღნიშნული ცვლილებები კლუბებში სეზონის დასრულებისთანავე დაიწყება.
- 7 თებერვალი 2022
- 1 388
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
