ესპანური გამოცემების ცნობით, კარიმ ბენზემა მადრიდის „რეალის“ პრეზიდენტთან შეხვედრას ითხოვს...

ფრანგი ფორვარდის მიზანია, მხარეები ერთმანეთს მარტის თვეში შეხვდნენ, როდესაც „რეალს“ ზაფხულის სამოქმედო გეგმა სრულად ექნება დალაგებული.

კარიმს აინტერესებს, აკეთებს თუ არა სამეფო კლუბი აქცენტს ერლინგ ჰოლანდზე და რამდენად რეალურია მისი შეძენის საკითხი.

თავის დროზე „9“-იანს კონტრაქტი 2024 წლის 30 ივნისამდე შესთავაზეს, მაგრამ მან 2023 წლის 30 ივნისამდე გააფორმა, რადგან არ სურდა, რომ გუნდისთვის ზედმეტი ტვირთი ყოფილიყო.

ბენზემას აზრი არც ახლა შეუცვლია. თუ ანჩელოტი გათვლას ჰოლანდზე გააკეთებს, ის მზად არის, კონტრაქტის ვადის ამოწურვამდე „ბლანკოსში“ დარჩეს, ხოლო შემდეგ გზა ახალგაზრდებს დაუთმოს.

პერესის გეგმის მოსმენის შემდეგ, კარიმი თავად გადაწყვეტს მოაწეროს ხელი თუ არა ახალ კონტრაქტს, რომელიც მის მადრიდში დარჩენას 2024 წლის ზაფხულამდე გაითვალისწინებს