კვირაში 200 000 ფუნტი სტერლიგი - სწორედ ეს არის თანხა, რომელიც ლონდონის „ჩელსის“ ხელმძღვანელობამ ანტონიო რუდიგერს კონტრაქტის გახანგრძლივების სანაცვლოდ შესთავაზა, მაგრამ ისევ უარი მიიღო...

როგორც სჩანს, გერმანელ ცენტრალურ მცველს პრემიერლიგაში დარჩენა არ სურს. ეს ინფორმაცია კარგად იციან მადრიდში და კვლავ გააქტიურებას გეგმავენ.

ფლორენტინო პერესის დავალებით, მომზადდება კიდევ ერთი წინადადება, რომლითაც სამეფო კლუბი უკანახაზელს მიმართავს.

არსებული ინფორმაციით, „რეალი“ მზად არის, რუდიგერთან 4 წლიან თანამშრომლობას მოაწეროს ხელი, თუმცა უცნობია, რა რაოდენობის ხელფასის შეთავაზებას აპირებს „ბლანკოსი“ ფეხბურთელისთვის.