ესპანური გამოცემების ცნობით, კარლო ანჩელოტის ისკო ალარკონის გაშვება არ სურს და ხელმძღვანელობას ფეხბურთელთან კონტრაქტის გახანგრძლივებას სთხოვს...

ბოლო კვირებში ალარკონი მოედანზე რამდენჯერმე გამოჩნდა და საკმაოდ სასარგებლო შთაბეჭდილებაც დატოვა. ანჩელოტი ფიქრობს, რომ ისკოს ხშირ შემთხვევაში შეუძლია თამაშის სურათის შეცვლა და გარდატეხის შეტანა.

სულ რაღაც 5 თვეში ფეხბურთელს კონტრაქტი ეწურება, იტალიელი კი მასთან თანამშრომლობის გაგრძელებაზე ფიქრობს.

ესპანური გამოცემების ცნობით, „ბლანკოსმა“ ფეხბურთელს შესაძლოა 2 წლით განახლება შესთავაზოს, თუმცა ამ შემთხვევაში ფეხბურთელს ხელფასის 10%-ით შემცირებაზე მოუწევს თანხმობის განცხადება.

ჯერ-ჯერობით უცნობია, რას ფიქრობს ესპანელი ნახევარმცველი აღნიშნულთან დაკავშირებით, თუმცა ფაქტია, რომ ის მოედანზე გატარებული წუთების რაოდენობით უკმაყოფილოა.