ესპანური და არამხოლოდ ესპანური გამოცემების ცნობით, მადრიდის „რეალს“ ერლინგ ჰოლანდის დამატება 2023 წლის ზაფხულში სურს, მაგრამ დიდი კონკურენციის გამო, იძულებულია მოთამაშე მადრიდისტა 2022 წლის ზაფხულში გახადოს...

ფლორეტინო პერესისთვის იდეალური სცენარი ნორვეგიელი ფეხბურთელის „დორტმუნდში“ კიდევ 1 სეზონით დარჩენაა, სადაც ის კიდევ უფრო გაიზრდება და დიდ გამოცდილებას მიიღებს, თუმცა „სიტის“ და სხვა კლუბების მხრიდან იმდენად დიდი დაინტერესებაა, რომ „რეალს“ სიტუაციის 2023 წლამდე კონტროლის საშუალებას არავინ მისცემს.

„ბლანკოსში“ გათვლას ბენზემაზე აკეთებენ და თვლიან, რომ მბაპესთან ერთად კარიმი შესანიშნავად ითამაშებს. მაშინ სად უნდა დადგეს ჰოლანდი? ეს მართლაც საინტერესო კითხვაა და სწორედ ამიტომ იკავებს პერესი თავს მოთამაშისთვის არნახული კონტრაქტის გაფორმებისგან.

მიმომხილველი მარკ ოგდენი აცხადებს, რომ ზაფხულში ჰოლანდის ტრანსფერის ნომერ პირველი ფავორიტი სწორედ „რეალია“ და ფლორენტინო სხვა კლუბებს ვერ დაელოდება, ხოლო მომდევნო სეზონში ბალანსის პოვნა ანჩელოტის მოუწევს.