მადრიდის „რეალის“ ფეხბურთელებმა „ლა კოპას“ 1/4 ფინალისთვის მზადება დაასრულეს. აღსანიშნავია, რომ გუნდთან ერთად იყვნენ ბრაზილიელებიც, თუმცა მათ მეტწილად სატრენაჟორო დარბაზში ივარჯიშეს და მწვანე მინდორზე სულ მცირე ხანი გამოჩნდნენ...

კარლო ანჩელოტიმ გუნდში ბოლო რჩევა-დარიგებები გასცა. სრულფასოვნად კვლავ არ უვარჯიშია კარიმ ბენზემას, რაც იმას ნიშნავს, რომ მისი თამაში „ბილბაოს“ წინააღმდეგ საეჭვოა.

მენდი აღდგენით პროცესს განაგრძობს, დანიელ კარვახალი კი 100%-ით მზად არის.

სესიაზე დიდი ყურადღება დაეთმო ბურთის ფლობას, ტაქტიკურ მონახაზებს, პრესინგს და მოკლე სივრცეში ზუსტ თამაშს.

შეგახსენებათ, 1/4 ფინალური დაპირისპირება 3 თებერვალს ესპანეთის დროით 21:30 საათზე (თბილისის დროით 00:30 საათი) აიღებს სტარტს.