გამთენიოს, სამხრეთ ამერიკაში მსოფლიოს 2022 წლის ჩემპიონატის საკვალიფიკაციო ეტაპის მატჩები გაიმართა.

ტიტეს შეგირდებმა პარაგვაის უმასპინძლეს და 4 უპასუხო გოლი ჩაიწერეს აქტივში. აღსანიშნავია, რომ „სელესაოს“ რიგებში სადებიუტო ბურთის ავტორი გახდა როდრიგო, რომელიც შეხვედრის მსვლელობაში 82-ე წუთზე ჩაერთო.

ვინისიუსი სასტარტო შემადგენლობიდან ირჯებოდა და საერთო ჯამში 61 წუთი გაატარა საქმეში, ხოლო კაზემირო სათადარიგო სკამიდან აკვირდებოდა თანაგუნდელების ასპარეზობას.

ბრაზილიელები ესპანეთში თამაშის დასრულების შემდეგ გამოემგზავრნენ. ამ ეტაპისათვის უცნობია, მიიღებენ თუ არა ისინი მონაწილეობას „ატლეტიკის“ წინააღმდეგ.