The Athletic-ის ცნობით, მანჩესტერ „სიტის“ ხელმძღვანელობამ კარგად იცის, რომ ერლინგ ჰოლანდი უპირატესობას მადრიდის „რეალს“ ანიჭებს, თუმცა გუნდის გეგმებში დანებება არ შედის.

ამავე გამოცემაზე დაყრდნობით, „სიტი“ ჰოლანდს მადრიდის „რეალზე“ ბევრად მიმზიდველ წინადადებას შესთავაზებს, რაც პირველ რიგში შემოსავლებში აისახება.

ამასთან ერთად ცნობილია, რომ მანჩესტერული მხარე ფეხბურთელის აგენტთან შეხვედრას გეგმავს, თუმცა ეს აუდიენცია მას შემდეგ მოხდება, რაც მინო რაიოლას ჯანმრთელობის მდგომარეობა დასტაბილურდება.

არაოფიციალური ინფორმაციით, „ქალაქელები“ ჰოლანდს მადრიდის „რეალზე“ 35%-ით მეტ ხელფასს შესთავაზებენ.