კარლო ანჩელოტის შეგირდები დღეს კიდევ ერთხელ შეიკრიბნენ და მორიგი ვარჯიში გამართეს. ეს იყო ბოლოსწინა სესია, 3 თებერვალს კი „ბლანკოსი“ „ბილბაოს“ დაუპირისპირდება...

სესია გახურებით დაიწყო, რის შემდეგაც მოთამაშეებმა დიდი ყურადღება დაუთმეს ბურთის ფლობას, კარში დარტყმებს და ტაქტიკურ მონახაზებს.

მარიანო დიასი და ბენზემა ვარჯიშობდნენ, როგორც ინდივიდუალური პროგრამით, ასევე გუნდთან ერთად.

ფერლან მენდი მხოლოდ სატრენაჟორო დარბაზში ირჯებოდა, მას დაზიანება აქვს და აღდგენით კურსს გადის.

აღსანიშნავია, რომ ბეილმა, ასენსიომ და კარვახალმა ანჩელოტის ყველა დავალება სრულფასოვნად შეასრულეს და ისინი ბასკური კლუბის წინააღმდეგ მთავარი მწვრთნელის განკარგულებაში იქნებიან.