ესპანელი მიმომხილველების მიერ გავრცელებული ინფორმაციების მიხედვით, მადრიდის „რეალმა“ ვინისიუს ჟუნიორის ახალი კონტრაქტი მოამზადა...

ახალი შეთანხმების მიხედვით, მოთამაშის ხელფასი თითქმის 3-ჯერ გაიზრდება და 10 მილიონ ევროს მიაღწევს. გარდა ამისა, გაიზრდება ბრაზილიელი შემტევის გამოსასყიდი თანხა და 1 მილიარდ ევროს მიაღწევს.

აქამდე ვრცელდებოდა ინფორმაციები, რომლის მიხედვითაც, ხელშეკრულება 2028 წლამდე უნდა გახანგრძლივებულიყო, თუმცა ახალი ინფორმაციით, მხარეები ამ კონტრაქტით 2027 წლის 30 ივნისამდე ითანამშრომლობენ.

ესპანური გამოცემების ცნობით, ახალგაზრდა ფეხბურთელის და პრეზიდენტი პერესის შეხვედრა უახლოეს კვირებში შედგება.