მადრიდის „რეალი“ ზაფხულში მარჯვენა მცველს აუცილებლად დაიმატებს. ფლორენტინო პერესს დიდი გეგმები აქვს, აქედან გამომდინარე, დაცვის აღნიშნულ ფრთაზე მხოლოდ კარვახალის იმედზე ვერ იქნება...

როდესაც პრეტენზია მბაპეს, ჰოლანდის და სხვა მეგა ვარსკვლავის ყიდვასა და ახალი გალაქტიკოს ჩამოყალიბებაზე გაქვს, დაცვაზეც უნდა იფიქრო და კარვახალის შემცვლელად შემტევი ლუკას ვასკესი არ უნდა განიხილო. აღნიშნული კარგად ესმის გუნდის პრეზიდენტს და რამდენიმე მიმართულებით მუშაობს.

„რეალის“ რადარზე პრემიერლიგაში რამდენიმე მარჯვენა მცველია, ფლორენტინო ასევე ინტერესდება აშრაფ ჰაკიმის დაბრუნებით, მაგრამ ეს ურთულესი პროცესი იქნება და მადრიდში შეთანხმებას ფაქტობრივად გამორიცხავენ.

ბრიტანული გამოცემების ცნობით კი, „რეალი“ „ლივერპულს“ ალექსანდრ არნოლდის ტრანსფერზე კიდევ ერთხელ მიმართავს და შესაძლოა შეთანხმებისთვის 60 მილიონი ევროც გამოყოს.