გარეთ ბეილი სეზონის ბოლოს მადრიდის „რეალს“ ემშვიდობება. ეს გადაწყვეტილება უკვე მიღებულია, მაგრამ უახლოესი წრე უელსელ ფეხბურთელს ერთსა და იმავეს ეუბნება. მოთამაშემ „ბლანკოსი“ უკანა კარიდან არ უნდა დატოვოს, ვინაიდან მან გუნდისთვის ძალიან ბევრი გააკეთა...

ანალოგიურ აზრს იზიარებს კარლო ანჩელოტიც, რომლის ხელშიც გარეთმა საკმაოდ დიდ წარმატებას მიაღწია და ჩემპიონთა ლიგის მოგებაც შეძლო.

უელსელი მოთამაშის ანგარიშზე სამეფო კლუბის რიგებში 100-ზე მეტი გოლია, ასევე აღსანიშნავია, რომ მის მიერ გატანილი გოლი 27 შემთხვევაში გამარჯვების მომტანი გამოდგა, ასევე ფლობს ჩემპიონთა ლიგის 4 თასს და სხვა მნიშვნელოვან ტიტულებს.

ბეილი ჩემპიონთა ლიგის ფინალებში უმნიშვნელოვანესი გოლებითა და მარგი ქმედების მაღალი კოეფიციენტით იწონებს თავს.

ერთი სიტყვით რომ ვთქვათ, უელსელმა მადრიდში შექმნა დიდი ეპოქა, რომელსაც შესაბამისი დაფასება სჭირდება. ის ერთი რიგითი ფეხბურთელი არასდროს ყოფილა.