სანტიაგო ბერნაბეუს ახალი მიწისქვეშა პარკინგი მოეწყობა, რომლის ღირებულებაც 80 მილიონი ევრო იქნება, თუმცა ფლორენტინო პერესს ამ პროექტთან დაკავშირებით კიდევ ერთი მომგებიანი გეგმა აქვს...

ეს იქნება პარკინგი, რომელიც მსოფლიოს არცერთ სტადიონს არ აქვს. სრულიად ახალი ინფრასტრუქტურა და ინოვაციები, რომელიც მსოფლიოს გააოცებს.

ამასთან ერთად აღსანიშნავია, რომ პარკინგის მოწყობის თანხები რეკონსტრუქციის ბიუჯეტიდან გამოიყოფა, რაც იმას ნიშნავს, რომ „ბლანკოსი“ ამ თანხასაც 30 წლიანი სესხის სახით მიიღებს.

ახლა კი მთავარი გეგმა და შეთანხმება, რომელიც კიდევ ერთხელ მიუთითებს ფლორენტინო პერესის დიდ პროფესიონალიზმზე. გუნდი 30 წლის განმავლობაში გადაიხდის 80 მილიონ ევროს, რაც იმას ნიშნავს, რომ წელიწადში ხარჯი დაახლოებით 2.6 მილიონი ევრო იქნება, ხოლო შემოსავალი 9 მილიონი ევრო, 30 წლის პერსპექტივაში კი 270 მილიონი.

„ბლანკოსი“ მოაწყობს ულტრათანამედროვე საპარკინე სივრცეებს, კომფორტს შეუქმნის სტუმრებს, გადაიხდის კოლოსალურ თანხას, თუმცა პროექტის განხორციელებისთვის მისი მოგება 200%-ზე მეტი იქნება.