მადრიდის „რეალის“ ფიზ.მომზადების მწვრთნელი, ანტონიო პინტუსი არსებულ შესვენებას იყენებს და გუნდში ფაქტობრივად პრე-სეზონს ატარებს. აღსანიშნავია, რომ გასულ კვირებში „ბლანკოსს“ ძალიან მძიმე კალენდარი ჰქონდა და ფაქტობრივად 3 დღეში ერთხელ უწევდა მატჩების გამართვა, თუმცა მომავალი კალენდარი კიდევ უფრო რთულია...

ფიზ.მომზადების სპეციალისტი გაცილებით უფრო რთული თებერვლისა და მარტის თვისთვის ემზადება. 3 თებერვლის შემდეგ „ბლანკოსი“ 38 დღეში 11 დაპირისპირებას გამართავს, რაც საკმაოდ მძიმე ასახვას ჰპოვებს ფეხბურთელებზე.

ამასთან ერთად უნდა აღინიშნოს, რომ ასპარეზზე გამოდის ჩემპიონთა ლიგა, რაც კიდევ უფრო დიდ რესურსს მოითხოვს.

პინტუსს კიდევ რამდენიმე დღე აქვს იმისთვის, რომ მოთამაშეებთან ბევრი იმუშავოს და მათ ფიზიკურ კონდიციებზე იზრუნოს.