ფეხბურთში სუსტი მეტოქე არ არსებობს და ეს მოსაზრება განვლილ უქმეებზე „ელჩემ“ გაამყარა.

ჩემპიონატის 22-ე ტურის თავზე, მადრიდელებმა უკვე 14 ქულა გაანიავეს და აქედან 12 ქულა იმ გუნდებთან, რომლებიც სატურნირო ცხრილის პირველ ათეულში არ შედიან. ანჩელოტის შეგირდებმა ყაიმი გააგორეს „ელჩესთან“ (მე-15 პოზიცია), „ოსასუნასთან“ (მე-11), „კადისთან“ (მე-18) და „ლევანტესთან“ (მე-20), ხოლო მარცხი განიცადეს „ესპანიოლთან“ (მე-13) და „ხეტაფესთან“ (მე-16). რაც შეეხებათ მოწინავე კლუბებს, „თეთრებმა“ მხოლოდ „ვილიარეალთან“ წაიბორძიკეს (2-2).

აღსანიშნავია, რომ მსგავსი სურათი სიახლე არ არის მადრიდელებისათვის. განვლილი 2 სეზონის განმავლობაში, ისინი გაცილებით მეტ ქულას კარგავდნენ აუტსაიდერებთან, ვიდრე უშუალო კონკურენტებთან.