მადრიდის „რეალის“ ფეხბურთელებმა ვარჯიში განაახლეს. დღეს, ანჩელოტიმ კოლექტივი შეკრიბა და „ბილბაოსთვის“ მზადება დაიწყო. აღსანიშნავია, რომ გუნდთან ერთად არ იყვნენ ფედერიკო ვალვერდე, ედერ მილიტაო, კაზემირო, როდრიგო გოეში და ვინისიუს ჟუნიორი, რომლებიც ნაკრებებში არიან გამოძახებულები...

ფიზიკურ კონდიციებზე ზრუნვის შემდეგ მოთამაშეები ბურთთან ერთად ვარჯიშზე გადავიდნენ, რასაც მოჰყვა ტაქტიკური მონახაზების დახვეწა, კარში დარტყმები, მოკლე სივრცეში ზუსტი თამაში და პრესინგი.

ვალიეხო და ასენსიო განსხვავებული პროგრამით ვარჯიშობენ, კურტუა, ბენზემა, მოდრიჩი, მარიანო, მენდი და კარვახალი კი ბურთთან ერთად ირჯებოდნენ, თუმცა სრული დატვირთვა არ მიუღიათ.

მომდევნო სესია ხვალისთვის ჩაინიშნა.