სამეფო კლუბის მთავარ მწვრთნელს, კარლო ანჩელოტის მართლაც ძალიან სასიხარული საიმედო ინფორმაცია ამცნეს...

კარიმ ბენზემას სამედიცინო კვლევის შედეგები დამაიმედებელია. ექიმების დაკვირვებისა და ჩატარებული ტესტირების შედეგად დადგინდა, რომ ფრანგ ლეგენდას კუნთის გადაღლილობა აქვს და გაწყვეტასთან არ გვაქვს საქმე.

არსებული ვარაუდით, ბენზემა ლა ლიგის მომდევნო ტურისთვის მზად იქნება, ეს დაპირისპირება 6 თებერვალს, „გრანადას“ წინააღმდეგ შედგება.

ასევე ვრცელდება ინფორმაცია, რომლის მიხედვითაც, კარიმმა შესაძლოა გარკვეული წუთები სამეფო თასზეც მიიღოს, რომელსაც „მერენგები“ „ბილბაოს“ წინააღმდეგ 3 თებერვალს გამართავენ.

საბოლოო ოფიციალური დასკვნა ხვალ გახდება ცნობილი.