მადრიდის „რეალი“ კარიმ ბენზემას ახალ კონტრაქტზე უკვე მუშაობს. მოქმედი ხელშეკრულების მიხედვით, ფრანგი ფორვარდი „მერენგების“ სადარაჯოზე 2023 წლის 30 ივნისამდე უნდა დარცეს, თუმცა ფლორენტინო პერესმა უკვე გამოთქვა თანამშრომლობის გაგრძელების სურვილი, „9“-იანს კი ამ პოზიციის საწინააღმდეგო არაფერი აქვს...

კარიმი ყოველთვის ყველგან აფიქსირებს, რომ „ბლანკოსში“ დიდხანს დარჩენა სურს, აქედან გამომდინარე, ოფიციალურ წინადადებას მაშინვე დათანხმდება. „რეალი“ ფრანგ ფორვარდს ხელშეკრულების 1 წლით გახანგრძლივებას შესთავაზებს.

შეთანხმების შემთხვევაში, ბენზემას მადრიდელთა რიგებში 2024 წლის 30 ივნისამდე დარჩება, მისი ანაზღაურება კი კვლავ უცცვლელი იქნება.

კონტრაქტის ამოწურვის დროს კარიმი 36 წლის იქნება.