ესპანური „მარკას“ ცნობით, მადრიდის „რეალში“ კაზემიროს იდეალურ შემცვლელად მონაკოელი ჩუამენი მიაჩნიათ...

სამეფო კლუბი ზაფხულის გეგმებს ეტაპობრივად აყალიბებს. მადრიდული გამოცემების ცნობით, ფლორენტინო პერესი „მონაკოსთან“ მოლაპარაკებების სტრატეგიაზე უკვე მუშაობს.

არაოფიციალური ინფორმაცით, „რეალი“ ფეხბურთელის სანაცვლოდ 40 მილიონ ევროს გადაიხდის, თავად მოთამაშეს კი 6 წლიან კონტრაქტს შესთავაზებს.

2000 წელს დაბადებულმა ფეხბურთელმა მიმდინარე სეზონში კიდევ უფრო დიდი პროგრესი აჩვენა და ყველა დაარწმუნა, რომ უმაღლესი კლასის ნახევარმცველია.

მადრიდში კაზემიროს შემცვლელის საკითხი სერიოზულად დგას, ანჩელოტი კი ჩუამენის ტრანსფერს მიესალმება.