ფლორიან ვირცის პროგრესი მართლაც აშკარაა. „ლევერკუზენის“ ახალგაზრდა ფეხბურთელი ამ სეზონში ძალიან მაღალ დონეზე თამაშობს და ტოპ კლუბების ინტერესის არეალშია...

ვირცი ფლორენტინო პერესს ჯერ კიდევ რამდენიმე თვის წინ მოეწონა, თუმცა სეზონის ბოლომდე მოლაპარაკებებს აზრი არ აქვს. ყოველთვიურად ახალგაზრდა მოთამაშის ფასი კოლოსალურად იზრდება.

მადრიდში იციან, რომ „ლევერკუზენი“ დიდი თანხის მიღებას შეეცდება, ამიტომ ალტერნატიულ ვარიანტებს განიხილავენ.

არსებული ინფორმაციით, პერესი მზად არის, გერმანულ მხარესთან მოლაპარაკებებში ლუკა იოვიჩი ჩართოს და ამ გზით ფლორიანის ფასი შეამციროს. იოვიჩი ბუნდესლიგაში თამაშის დიდ გამოცდილებას ფლობს, აქედან გამომდინარე, „რეალში“ მიაჩნიათ, რომ მოლაპარაკებები შესაძლებელია.