„ელჩესთან“ დაპირისპირების 102-ე წუთზე, მთავარ მსაჯმა ბოლო იმედის ჯარიმისათვის წითელი ბარათი უჩვენა მარსელოს, რასაც შემდეგ „რეალის“ კარში გატანილი გოლიც მოჰყვა.

ხორხე ვასკესის აღნიშნულმა გადაწყვეტილებამ დიდი პროტესტი გამოიწვია ბრაზილიელ მცველში, რომელიც საკმაოდ კარგ პაექრობას ატარებდა. გამეორებიდან ნათლად ჩანს, რომ კაპიტნის გაბრაზება სამართლიანი იყო, ვინაიდან ის თამაშის წესებს არ არღვევდა და მოცემულ ეპიზოდში ითამაშა ბურთზე.

როგორც არბიტრის მატჩისშემდგომ რეპორტშია მოცემული, მარსელომ მას „ძალიან ცუდი“ უწოდა, რაც განხილული იქნება შესაბამისი კომიტეტის მიერ და დიდი ალბათობით, ფეხბურთელს 1-ის ნაცვლად, 3 თამაშის გამოტოვება მოუწევს „კოპა დელ რეიზე.“